Türkmentelekom Bot

Aşgabat Halkara howa menzili ýolagçylar üçin güýmenje çeşmesiniň işe girizilendigini habar berdi


13.06.2025

Aşgabat Halkara howa menziliniň ýolagçylary içerki Wi-Fi ulgamy arkaly häzirki zaman maglumat we dynç alyş platformasyna girip bilerler. Bu barada howa menzili habar berdi.
Innowasion ulgam mobil enjamlar, planşetler we kompýuterler üçin giň mümkinçilikleri özünde jemleýär. Ýolagçylara baý multimedia mazmunly katalog hödürlenýär, şol sanda:
— Türkmenistanyň baý medeni mirasyny açyp görkezýän çeper we dokumental filmler;
— dürli žanrlardaky saz eserleri;
— metbugat neşirleriniň elektron görnüşleri.
Howa menzilinde häzirki zaman multimediýa ulgamynyň ornaşdyrylmagy, milli howa ulaglary pudagynda üstünlikli durmuşa geçirilen meňzeş taslamanyň logiki dowamy bolup, bu halkara gatnawlarda ýolagçylaryň rahat dynç almagyny ep-esli ýokarlandyrmaga mümkinçilik berdi.
Ýolagçylar üçin amatly şertleriň döredilmegi we hyzmatlaryň hiliniň yzygiderli kämilleşdirilmegi ýolagçy gatnawynyň artmagyna täsir edip, sebitde ykdysady ösüşi hem belent derejelere çykarýar.
Şeýle hem bu taslama sanly tehnologiýalary durmuň ähli ugurlaryna ornaşdyrmak boýunça döwlet maksatnamasynyň aýrylmaz bölegi bolup, Türkmenistanyň sanly öwrülişige bolan ygrarlylygyny görkezýär.
Geljekde bu ugurda multimediýa ulgamynyň mümkinçiliklerini giňeltmek we media katalogyny yzygiderli täzelemek meýilleşdirilýär diýlip, habarda bellenilýär.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn