Türkmentelekom Bot

Türkmenistan bilen Kataryň arasynda futbol hyzmatdaşlygy barada şertnama gol çekişildi


27.05.2025

Türkmenistanyň Futbol federasiýasy bilen Kataryň Futbol Assosiasiýasy ikitaraplaýyn gatnaşyklary ösdürmäge gönükdirilen şertnamna gol çekdi. Gol çekişmek dabarasy 26-njy maýda Doha şäherindäki Al Bidda binasynda ýerleşýän Katar Futbol Assosiasiýasynyň merkezi edarasynda geçirildi. Bu barada TFF habar berdi.

Bellenilişi ýaly, Kataryň Futbol Assosiasiýasynyň adyndan resminama guramanyň prezidenti Jassim bin Raşid Al Buenaýn, türkmen tarapynyň adyndan bolsa Türkmenistanyň Futbol Federasiýasynyň başlygy Guwançmuhammet Öwekow gol çekdi.

Dabara iki federasiýanyň Baş sekretarlary: Mansur Al-Ansari (Katar) we Serdar Geldiýew (Türkmenistan) hem gatnaşdylar.

Bu şertnama gol çekilmegi TFF-niň Kataryň Futbol Assosiasiýasy bilen hyzmatdaşlygy giňeltmek we Aziýa ýurtlary bilen gatnaşyklary berkitmek strategiýasyndaky ýene bir möhüm ädim boldy diýlip, habarda bellenilýär.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn